mnews.mn

“Eurovision” буюу Европын хөгжлийн наадмын өнгөрсөн жилийн ялагч, Швейцарийн дуучин Nemo энэ жилийн шалгаруулалтад оролцохоор болсон Израилийг эсэргүүцэн, ялагчийн цомоо эргүүлж өгөхөөр болжээ. 

Европын хамгийн том хөгжмийн наадмын “Эв нэгдэл, оролцоо, нэр төр” гэдэг уриа нь Палестиныг эзлэн түрэмгийлж буй Израилийг наадамд оролцохыг зөвшөөрсөнтэй нь зөрчилдөж байна” гэж үзсэн тул тэрбээр ийнхүү цомоо буцаахаар болсон байна. 

Наадмыг зохион байгуулагч компанийн захирал Мартин Грийн Nemo-гийн эл шийдвэрт харамсаж байгаагаа илэрхийлсэн ч үзэл бодлыг нь хүндэтгэж байна гэжээ.  

Израиль-Палестины хооронд байгуулсан энхийн хэлэлцээр гацаанд ороод буй энэ үед Европын хөгжмийн наадамд Израилийг оролцуулж байгаа нь цаашдаа ихээхэн маргаан дагуулах бололтой.

Монголын Тогтвортой Санхүүжилтийн (ТоС) Холбоо, Монголбанк, Санхүүгийн Зохицуулах Хорооноос хамтран жил бүр тогтвортой санхүүжилтийн зарчмуудыг амжилттай хэрэгжүүлж, ногоон эдийн засгийг хөгжүүлэхэд манлайлж, тогтвортой хөгжилд бодитой хувь нэмрээ оруулж буй байгууллагуудыг тодруулан алдаршуулдаг уламжлалтай. Энэ жил ХААН Банк “Жендэрийн манлай байгууллага”-аар шалгарсан бөгөөд өнгөрсөн лхагва гарагт буюу 2025 оны 12-р сарын  10-ны өдөр ТоС Холбооны нийт гишүүдийн үеэр ХААН Театрт энэхүү нэр хүндтэй шагналыг гардууллаа. 



Банкны салбарын актив хөрөнгийн 28 хувийг дангаар бүрдүүлдэг үндэсний хэмжээний хамгийн том банк ХААН Банк НҮБ-ын Тогтвортой хөгжлийн зорилтуудыг хэрэгжүүлж, Жендэрийн эрх тэгш байдлыг хангах, эдийн засгийн өсөлт, баталгаат ажлын байрыг бий болгох, тэр дундаа эмэгтэйчүүдийн бизнес эрхлэлт, эдийн засгийн оролцоо, манлайллыг дэмжихэд чиглэсэн санхүүжилт олгох зорилгоор Жендэр бонд гаргаж нийт 30 тэрбум төгрөг татан төвлөрүүлсэн билээ.  Тус бондын хүрээнд босгосон эх үүсвэрийг эмэгтэй бизнес эрхлэгчдийн санхүүгийн хүртээмжийг нэмэгдүүлж, жендерийн тэгш байдлыг дэмжих зорилгоор баталгаат ажлын байрыг бий болгох тусгайлан зарцуулж буй. 

ТоС холбооны нийт гишүүдийн хурлын арга хэмжээг нээж ТоС Холбооны Удирдах зөвлөлийн дарга, ХААН Банкны гүйцэтгэх захирал Р.Мөнхтуяа үг хэлсэн бөгөөд тус холбооны 2025 оны үйл ажиллагааны тайлан ба ололт амжилтууд болон 2026 онд баримтлах стратегийн чиглэлүүдээс танилцууллаа. Үүнээс гадна  Монголбанк, гишүүн байгууллагуудын зүгээс өөрсдийн үйл ажиллагааг ногооруулах хүрээнд хийсэн ажлуудыг танилцуулсан юм.



Тогтвортой хөгжилд манлайлагч ХААН Банк нь 2024, 2025 оны ТоС холбооны “Манлай банк”-аар ажилласан бөгөөд энэ хугацаанд тогтвортой санхүүжилтийн зарчмыг түгээн дэлгэрүүлэх, ногоон ба жендэрийн мэдрэмжтэй санхүүжилтийн чиглэлд санал санаачилгыг хэрэгжүүлэх, гишүүн байгууллагуудыг тогвортой хөгжлийн чиглэлд манлайлан ажиллалаа. ХААН Банк манлай банкаар ажилласан жилүүдэд ТоС холбооны цар хүрээ улам бүр өргөжин тэлж, өнөөдрийн байдлаар 70 гишүүн байгууллагатай болсон нь бидний ажлын бодит нөлөөлөл юм. Мөн Монгол Улсын Ерөнхийлөгчийн Тамгын газар, салбарын яамдууд, гишүүн байгууллагууд болон олон улсын байгууллагууд зэрэг 40 гаруй байгууллагуудтай хамтран 1500гаруй оролцогдчыг   хамруулан ТоС Форумыг өргөн цар хүрээтэй, олон улсын түвшинд зохион байгууллаа. Үүнээс гадна ногоон технологийг хялбархан, зардал багатай таних боломжтой green.khanbank.com платформыг хөгжүүлж бусад байгууллагуудад ч хэрэглэх боломжтой байхаар зохицуулан Монголбанканд хүлээлгэн өгсөн нь ХААН Банкны манлайлан хийсэн томоохон ажлын нэг юм.

Ийнхүү ХААН Банк ТоС Холбооны манлай банкаар  хоёр дахь жилдээ салбарын бодлогын шинэчлэл, ногоон шилжилт, хүртээмжит санхүүжилтийн үндэс суурийг тавьж, Монголын тогтвортой хөгжлийн хөдөлгүүр болж ажиллалаа. 

Хамтын өсөлт төгөлдөр- ХААН Банк

Корпорэйт | ХААН Банк

100mbps хурдтай хэрэглээний хязгааргүй интернэттэй SKYmedia-ийн HiSpeed үйлчилгээний ОДОО СОЛЬ урамшуулал үргэлжилж байна. 

Шинэ хэрэглэгч бүр бэлэгтэй тус урамшууллаар өнөөдрийн байдлаар 70 гаруй хэрэглэгч агаар цэвэршүүлэгчийн эзэн болж зуу зуун хэрэглэгч кино багц, төлбөрийн хөнгөлөлт зэрэг бусад олон олон бэлгүүдийн эзэд болсон байна. 

“ОДОО СОЛЬ” урамшуулал нь 2025.12.31 дуустал үргэлжлэх тул та бүхэн яг одоо 76769000 дугаарт холбогдон, эсвэл https://www.skytel.mn/orderskymedia линкээр  захиалгаа өгч өвлийн улиралд танай гэрт цэвэр агаар үйлдвэрлэх агаар цэвэршүүлэгч болон бусад олон бэлгийн эзэн болоорой.

Танд хурдан интернэт хэрэгтэй юу? Тэгвэл яг одоо соль. 7676900

Skytel

“Эрэл” ХХК-ийн еөнхийлөгч Б.Эрдэнэбатын гэрт учир битүүлгээр амиа алдсан филиппин эмэгтэй Террил Аттиензагийн том охин амиа алдсан бүсгүйн том охин Найриел Аттиенза цахим хуудсаараа дамжуулан Монгол Улсын Ерөнхийлөгч, Ерөнхий сайд, Засгийн газрын гишүүдэд хандан хүсэлт гаргажээ. 

Тэрбээр “Монгол Улсын Эрхэм Ерөнхийлөгч болон Монгол Улсын Засгийн газрын эрхэм гишүүд ээ. Би 2011 онд Улаанбаатарт учир битүүлгээр нас барсан Филиппин эх Террил Атиензагийн ууган охин Найриел Аттиенза байна.

Манай гэр бүл 14 жил чимээгүй, айдастай, ядуу зүдүү амьдарсан. Бид хамгаалалтгүй, харийн нутгаас яаж шударга ёсыг эрэлхийлэх тухай ойлголтгүй хүүхдүүд байсан. Хэвлэл мэдээллийн хэрэгсэл, холбогдох хүмүүсийн эрх мэдэл нь бидний дуу хоолойг хэзээ ч сонсохын аргагүй байсан.

Арав гаруй жил энэ зовлонг үүрч явсны эцэст Монголын ард түмэн бидэнд мартагдахааргүй энэрэнгүй сэтгэлийг үзүүллээ. Танай улсын иргэд бидний гашуун түүхийг сөхөж, зүрх сэтгэлийг маань тайвшруулж, дахин ярих зориг өглөө.

Миний ээжийн хэргийг дахин нэг удаа шалгаж, шударгаар, эелдэгээр харахыг Монголын төр засгаас гүн хүндэтгэлтэйгээр хүсч байна.

Бид өшөө авалт хүсэхгүй байна. Харин үнэн, нэр төр, хүүхэд бүрийн хүртэх ёстой хамгаалалтыг хайж байна. Миний ээж Террил танай улсад очсон, амиа алдсан. Түүний хохирсон хэргийг бүрэн шалгаагүй. Түүний хүүхдүүд 14 жил ямар ч хариултгүй, шударга ёсгүй, амар тайван бус амьдарч байна.

Би Монголын ард түмний сайн сайханд итгэдэг. Танай засгийн газар бидний зовлонг харж, үнэнийг илрүүлэхэд тусална гэдэгт чин сэтгэлээсээ найдаж байна.

Таны шударга ёсны мэдрэмжид бид итгэж байна. Бид таны хүн чанарт итгэж байна. Олон жил өнгөрсний дараа ч Монгол Улс шударга ёсны төлөө гэдгээ дэлхий нийтэд харуулна гэдэгт бид итгэж байна.

Бидний хүсэлтийг сонссон танд баярлалаа. Бидэнд итгэл найдвар өгч буйд баярлалаа.

Хүндэтгэн талархсан:

Найриел Аттиенза

Террил Атиензагийн охин” гэжээ. 

Дашрамд, энэхүү хэргийн араас хөөцөлдөж, олон нийтийн анхааралд оруулсан сэтгүүлч С.Будрагчаа Террил Аттиензагийн гэр бүлийнхнийг Монголд ирж, хэргийг сэргээн шалгуулах хүсэлтийг биелүүлэхээр хандивын аян зарласан бөгөөд ХААН БАНК, БУДРАГЧАА СЭРДАМБА, 14000 500 5302684107 дугаартай дансанд хандив өргөн шударга ёсны ёсны төлөөх аянд нэгдэж болох юм байна.

---

Монголбанк, Санхүүгийн зохицуулах хороо, Монголын Тогтвортой санхүүгийн холбоо (ТоС холбоо)-оос жил бүр тогтвортой санхүүжилтийн хэрэгжилтээр манлайлсан байгууллагуудаа  шалгаруулдаг. 2025 онд Голомт банкны тогтвортой санхүүжилтийн тогтолцоог бэхжүүлэхэд оруулсан хувь нэмэр, тогтвортой санхүүжилтийн зарчмууд, олон улсын шилдэг туршлага, стандартыг санхүүгийн системд нэвтрүүлэн хэрэгжүүлж буйг үнэлэн “Шилдэг ТоС банк” хэмээх эрхэм хүндтэй шагналаар шагналаа.

НҮБ-ын Тогтвортой хөгжлийн 17 зорилгын хэрэгжилтийг хангахад өөрсдийн хувь нэмрээ оруулах зорилгоор Голомт банк анх 2015 онд Тогтвортой хөгжлийн бодлогоо баталж, бизнесийн үйл ажиллагааны шийдвэр гаргалт болон стратеги төлөвлөлттэйгөө уялдуулсан. 2019 оноос хойш  өнөөг хүртэл нийт 1 их наяд төгрөгийн ногоон санхүүжилтийг олгосон бөгөөд 2025 оны 3-р улирлын байдлаар нийт банкны системийн ногоон зээлийн багцын 20 орчим хувийг дангаар бүрдүүлж байна. Цаашлаад 2030 он гэхэд нийт зээлийн багцын 10 хувийг тогтвортой, ногоон зээлийн багцаар бүрдүүлэх зорилтыг тавин ажиллаж байгаа билээ.

Голомт банк 2025 онд олон улсын зах зээлд 50 сая ам.долларын нийгмийн болон ногоон бондыг гаргаж, олон улсын хөрөнгө оруулагчдаас амжилттай санхүүжилт татсан. Одоогоор бондын эх үүсвэрийг эрчим хүч, усны хэмнэлтийг бий болгох, хог хаягдлын менежментийг сайжруулах, чулуужсан нүүрснээс цэвэр технологи уруу шилжих чиглэлээр нийт 132 аж ахуйн нэгж, иргэнд санхүүжилт олгоод байна. Үүнээс гадна 2023 оноос хойш нийт 203 сая ам.долларын ногоон эх үүсвэрийг татан төвлөрүүлж, ногоон эдийн засгийн хөгжлийг эрчимжүүлэх, ажлын байрыг нэмэгдүүлэх чиглэлээр ажиллаж байна.

Ийнхүү тогтвортой санхүүжилтийн тогтолцоог бэхжүүлэн ажилласнаар Голомт банк дөрвөн жилийн дараа ТоС холбооны 2026  оны “Манлайлагч байгууллагаар”-аар дахин тодорч, шилжин явах  тугийг нэр хүндтэйгээр хүлээн авч байна. Энэ нь Голомт банкны хувьд тогтвортой санхүүжилтийн зарчмуудыг амжилттай хэрэгжүүлж, ногоон эдийн засгийн хөгжлийг дэмжихэд манлайлж, тогтвортой санхүүжилтийн чиглэлд гаргасан санал санаачилгаа үнэлүүлж буйгаас гадна  цаашид үлгэрлэн манлайлах томоохон үүрэг хариуцлагыг хүлээн авч буй бөгөөд 2026 онд манлайлан ажиллана.

Голомт банк Монгол Улсын ногоон эдийн засгийн хөгжлийн эрчимжүүлэх, тогтвортой хөгжилд бодит хувь нэмрээ оруулах, тогтвортой санхүүжилтийн тогтолцоог улам бэхжүүлэхэд үлгэрлэн манлайлах болно.

Дэлхийн жишиг Монголын банк